ஜம்மூ- காஷ்மீரில் தீவிரவாத தாக்குதல், ரயில்வே போலீசார் உயிரிழப்பு!

ஜம்மூ- காஷ்மீர் புல்வாமா மாவட்டத்தில் நடந்த தீவிரவாத தாக்குதலில் காயமடைந்த ரயில்வே போலீஸ் அதிகாரி மருத்துவமனையில் இன்று சிகிச்சை பலனின்றி உயிரிழந்தார்.

புல்வாமா (ஜம்மூ - காஷ்மீர்): ஜம்மூ-காஷ்மீர் மாநிலத்தில் உள்ள புல்வாமா மாவட்டத்தில் சென்ற திங்கள்கிழமை (ஏப்.18) தீவிரவாதிகள் நடத்திய துப்பாக்கிச்சூட்டில் ரயில்வே காவல்துறை அதிகாரி ஒருவர் பலத்த காயங்களுடன் மருத்துவமனையில் அனுமதிக்கப்பட்டார். அவருக்கு தீவிர சிகிச்சை அளிக்கப்பட்டிருந்த நிலையில் இன்று சிகிச்சை பலனின்றி உயிரிழந்தார்.

இது குறித்து ஜம்மூ- காஷ்மீர் காவல் துறையினர் கூறுகையில், ‘ சப்-இன்ஸ்பெக்டர் தேவராஜ் மற்றும் கான்ஸ்டபிள் சுரேந்திர குமார் காகாபோராவில் நடந்த துப்பாக்கிச்சூட்டில் பலத்த காயமடைந்தனர்’ எனத் தெரிவித்தனர்.